اوعى تفتكر ان انا عجزت او كبرت وخرفت... لا يا عزيزي هذه ليست تخاريف... مستغرب ليه... هل من الغرابة اصحى الصبح اخد الفطار في الصالة الاقي طالعلي بطريق ملوكي عاوز نصيبه في الطبق... لا ابدا لا غريبة ولا حاجة وتيجي ايه دي جنب اعاجيب الزمن الاغبر اللي احنا عايشينه ده...
مش فاهم حاجة... ماشي ماشي انا قولت برضه الابتسامة العبيطة دي ليس لها سوى معنى واحد فقط... الاستعباط!
وانا معاك اكيد الزمن ده محتاج حاجة اقوى من يا حيطة داريني وامشي مطاطي لاجل ما تعلى و... ايه برضه مش فاهم!
طيب اشرحهالك تاني... مش عاوز... انت بتشاور على ايه بالضبط؟
ااااااااااااااااه دلوقت بس فهمتك.... عاوز طقم السنان مع الطبق... ماشي!
