يا نهار اسود ومنيل عملها العفريت المكلبز
بتصوتي ليه يا فتفوتة عمل ايه المنيل
رسم الخط خلاص كده عمرنا ما هانرجع البيت
استهدي بالله خلينا نفكر هنعمل ايه
خلاص يا فِتفِت... يا حبيبتي يامه كانت دايما تحذرنا انه ده هيحصل واهو حصل
دي مش نهاية الدنيا يعني ايه لما خط يترسم
انت مش عارفة ده معناه ايه ده الحاجز اللي حيفصلنا عن بيتنا واهلنا وناسنا ده الحاجز اللي اتعمل علشان احنا نموت من الجوع ده الحاجز اللي هيحطنا في مأزق العزلة للابد... الله يرحم ايام القتل الرحيم ده زمن الابادة الجماعية
بس بس انتِ بتهببي ايه قتل رحيم ايه اللي انتِ بتتحسري عليه ده
ايوه يا اختي القتل الرحيم لابناء جلدتنا ايييييييييه كانت ايام جميلة كلها بركة... فاكرة لما الآدمي المفعوص ده اكتشفنا واحنا راجعين بالغلة على طريق البوتجاز ورزعنا بالشبشب واحنا استخبينا وسط الشقوق لحد ما خلص الخبط والعبيط افتكر ان احنا موتنا
يووووه يا فتفوتة الحكاية دي بتعصبني كل ما افتكر الشق اللي انا استخبيت فيه كان مطين بزيت سمك وبقيت ريحتي تتشم على بعد كيلو
كانت ايام حوة... وكنا بنموت بشرف
ياختي بلا وكسة ده احنا في آخر مرة كنا هنروح فيها فاكرة لما الواد المعصعص حاصرنا في الطشت وقعد يرغي في الصابونة يرغي في الصابونة وكنا حنغرق طلعت من الطشت يومها انظف من جيب الفقير
ههههه كان منظرك يومها زي الصرصار اللي دخل الغسالة وهو فاكرها البلاعة بتاعته
بتضحكي يا خيبتك طيب فاكرة لما اتزنقتي في التلاجة فاكرة المبيد الحشري اللي استعملوه ده لولا الطمطماية اللي انت استخبيتِ وراها كان زمانك فيصتي
كانت اساليب المطاردة رهيبة وخطط التعذيب مرعبة بس حيييلوة فاكره لما غضيفر ونكّوتة خرجوا يتمشوا جنب حلة البطاطس
ايوه المسكين مالحقش يتهنى اكتشفوه وطاحوا عليه بوابل من طلقات ملمع البلاط اغمن عليه من الصدمة ولما فاق لقى دراع نكوتة في ايده وهي مالهاش اثر
اه يا عيني ولسع من ساعتها وبقى كل مايشوف حلة بطاطس يغمى عليه
ايام سودة وعيشة تغم النفس
اللقمة صعبة يا اختي بس احنا لازوما نقاوم ومش هنستسلم ابدا وهانعدي الخط الفاصل ونرجع البيت حتى لو كنا اشلاء نعيش بكرامة او نموت شرفاء
تعالي يا مجنونة انتِ رايحه فين
هاعدي الخط الاحمر واثبت للعالم انه النمل كبير ومش حيوقف وراء الجدار
يانهار ابوك اسود بلاش يا فتفوتة العالم كله يعرف انه النمل مايقدرش يعدي خط مرسوم على الارض
لا سيبيني ده الوهم اللي انتوا مصدقينه انا خلاص هاعدي هاعدي
ارجعي فتفوتة فتفوتة... منه العوض وعليه العوض الخط طلع مكهرب فتفوتة ضاعت يا جدعان...
بتصوتي ليه يا فتفوتة عمل ايه المنيل
رسم الخط خلاص كده عمرنا ما هانرجع البيت
استهدي بالله خلينا نفكر هنعمل ايه
خلاص يا فِتفِت... يا حبيبتي يامه كانت دايما تحذرنا انه ده هيحصل واهو حصل
دي مش نهاية الدنيا يعني ايه لما خط يترسم
انت مش عارفة ده معناه ايه ده الحاجز اللي حيفصلنا عن بيتنا واهلنا وناسنا ده الحاجز اللي اتعمل علشان احنا نموت من الجوع ده الحاجز اللي هيحطنا في مأزق العزلة للابد... الله يرحم ايام القتل الرحيم ده زمن الابادة الجماعية
بس بس انتِ بتهببي ايه قتل رحيم ايه اللي انتِ بتتحسري عليه ده
ايوه يا اختي القتل الرحيم لابناء جلدتنا ايييييييييه كانت ايام جميلة كلها بركة... فاكرة لما الآدمي المفعوص ده اكتشفنا واحنا راجعين بالغلة على طريق البوتجاز ورزعنا بالشبشب واحنا استخبينا وسط الشقوق لحد ما خلص الخبط والعبيط افتكر ان احنا موتنا
يووووه يا فتفوتة الحكاية دي بتعصبني كل ما افتكر الشق اللي انا استخبيت فيه كان مطين بزيت سمك وبقيت ريحتي تتشم على بعد كيلو
كانت ايام حوة... وكنا بنموت بشرف
ياختي بلا وكسة ده احنا في آخر مرة كنا هنروح فيها فاكرة لما الواد المعصعص حاصرنا في الطشت وقعد يرغي في الصابونة يرغي في الصابونة وكنا حنغرق طلعت من الطشت يومها انظف من جيب الفقير
ههههه كان منظرك يومها زي الصرصار اللي دخل الغسالة وهو فاكرها البلاعة بتاعته
بتضحكي يا خيبتك طيب فاكرة لما اتزنقتي في التلاجة فاكرة المبيد الحشري اللي استعملوه ده لولا الطمطماية اللي انت استخبيتِ وراها كان زمانك فيصتي
كانت اساليب المطاردة رهيبة وخطط التعذيب مرعبة بس حيييلوة فاكره لما غضيفر ونكّوتة خرجوا يتمشوا جنب حلة البطاطس
ايوه المسكين مالحقش يتهنى اكتشفوه وطاحوا عليه بوابل من طلقات ملمع البلاط اغمن عليه من الصدمة ولما فاق لقى دراع نكوتة في ايده وهي مالهاش اثر
اه يا عيني ولسع من ساعتها وبقى كل مايشوف حلة بطاطس يغمى عليه
ايام سودة وعيشة تغم النفس
اللقمة صعبة يا اختي بس احنا لازوما نقاوم ومش هنستسلم ابدا وهانعدي الخط الفاصل ونرجع البيت حتى لو كنا اشلاء نعيش بكرامة او نموت شرفاء
تعالي يا مجنونة انتِ رايحه فين
هاعدي الخط الاحمر واثبت للعالم انه النمل كبير ومش حيوقف وراء الجدار
يانهار ابوك اسود بلاش يا فتفوتة العالم كله يعرف انه النمل مايقدرش يعدي خط مرسوم على الارض
لا سيبيني ده الوهم اللي انتوا مصدقينه انا خلاص هاعدي هاعدي
ارجعي فتفوتة فتفوتة... منه العوض وعليه العوض الخط طلع مكهرب فتفوتة ضاعت يا جدعان...
