تنويه... احداث القصة دي احداث عادية جدا ممكن تحصل في اي مكان.. يعني ممكن اللي حصل ده كان في كوالالمبور او في موزمبيق او حتى في بلاد الواق واق... والاحداث كلها ابتدت في يوم عادي جدا في أواخر الصيف...
رامي وسعيد نزلوا يلعبوا كورة في الشارع اللي ورا العمارة وخدوا معاهم الواد علاء يسليهم ويغلسوا عليه اصله كان لعبه جامد آآآآخر حاجة وفاكر نفسه مرادونا
رامي وسعيد نزلوا يلعبوا كورة في الشارع اللي ورا العمارة وخدوا معاهم الواد علاء يسليهم ويغلسوا عليه اصله كان لعبه جامد آآآآخر حاجة وفاكر نفسه مرادونا
اخر مرة شاط الكورة كسر شباك مطبخ ام احلام والمراية الشمال بتاعة عربية الاستاذ لطفي وانتهت الشوطة بقتيل... ايوه قط عم بسيوني اللي كان هيروح فيها وربنا ستر...
وكالعادة اول ما علاء رجله لمست الكورة سعيد ورامي جريوا يستخبوا
كده ياض مش هتبطل الحول ده
معلش اصله لسه بيتمرن على الشوف
خلاص بقى انا هاجيبها ونشوف شطارتكم...
وراح اخينا يجيب الكورة واذ...
رامي سعيد تعالوا الحقوا
فيه ايه يا علاء... ايه دول
منفجرات
ههههههه ده انت واد خايب بصحيح دي مش متفجرات ياله دي العاب
العاب! انت بتهزر يا سعيد
العاب نارية من اللي بيفرقع ويعمل اشكال ملونة في السما
بس دي غالية قوي مين الغبي اللي رماها هنا
تيجو نبيعها
والله فكرة وبتمنها نشبرق نفسنا شوية
بس احنا نعرف ازاي انها بتشتغل ومش عطلانة
اممممم نولع واحدة منهم ولو اشتغلت نتصرف في الباقي
وراح اصغر الشلة يجيب كبريت علشان يجربوا المفرقعات... ورجع علاء وفي ايده الكبريت راح سعيد نافش صدره زي الاسد الغضنفر وخد الكبريت وولع حتة من المفرقعات... ماحصلش حاجة... بص التلاتة لبعض بتعابير تنم عن خيبة الامل وراح سعيد ولع حتة تانية وتالتة بس من غير نتيجة... وبحركة عصبية قام رامي مرصص الكمية كلها فوق بعضها ومولع فيها
بووووووووووووووم
طبعا انتوا فاكرين ايه... دي مفرقعات نارية يعني تولعها لازوما تنفجر.. وانفجرت بصوت شبه القنبلة اما عن الاضرار..فنص الرصيف طااااااار وعربية الاستاذ مسعود اتخرشمت وبقيت شبه حلة بتنجان هجم عليها التتار!
ده بالاضافة للهباب الاسود اللي طرشق على العمارة والعمارة اللي جنب العمارة والشبابيك اللي ادشدشت والبيبان اللي ادغدغت...
نهايته... الشارع بقى شكله عامل زي مايكون عدى عليه الطورماي!
دقايق... احم دقايق كتير شوية والمنطقة رشقت بوليس وطوقوا المنطقة وجيه الاسعاف وابتدى حصر الخسائر واخد اقوال الشهود اللي غالبا ماشفوش حاجة... دي كانت ساعة عصرية وحرارة تجيب الشلل.. نص السكان كان نايم طبعا بعد وجبة الغدا.. والنص التاني متلقح قدام التلفزيون... ماعلينا... بعد نقل المصابين والجرحى من منطقة الحادثة تم التحفظ على ماتبقى من المفرقعات ومخلفاتها للحفظ وانهاء المحضر...
لكن القصة ماخلصتش على كده... فجأة الصحافة طبت على الموقع وظهرت في الساحة الاعلامية المشهورة نونا المرعشلي بتاعة جريدة المريخ المعروفة ولانها ماعرفتش تجيب اي معلومات مفيدة من الضابط الموجود في الموقع واللي سابها ومشي ولا عبرها فراحت تستقصى وتشمشم عن معلومات بين سكان العمارات المحيطة... ابو سيد بقى طالع بالبيجاما وواقف زي الالف..
انا طبعا كنت ساعة الانفجار في الحمام باخد شور.. بس من صوت الانفجار اقدر اقولك انها قنبلة ماتنزلش عن اتنين كيلو!
اما ام وديع الخياطة واللي كانت في البلكونة ساعة الحادثة فقالت..
شوفي يا هانم احنا طول عمرنا في الحتة لا عمرنا دوسنا لحد على طرف ولا حد سمع عننا حاجة وحشة... منهم لله اللي كانوا السبب.. من يوم ما الاستاذ صبحي صاحب العمارة سمع كلام الدلوعة المايصة مراته وبدأ يأجر الشقق الفاضية مفروشة وبقينا كل يوم نشوف ناس أشكال ألوان في الحتة واهي باظت خالص...
وطبعا الست نونة شغالة على ودنه وهات يا كتابة وهات يا تسجيل... وسألت واحد كان قاعد على الرصيف اللي طار وبيندب حظه... اصله كان بيحط الفرش عليه... وراح عاقد ميه وهداشر بين حواجبه وقالها...
اني حجيب ولاد الابلسه دول من سابع ارض واقطم رقبيهم... اني كل اللي اعرفه انهم خمس رجالة شباب بلحى كده جوم المنطقة من حوالي شهر... ينزلوا كل يوم الصبح يركبوا عربية ويعدوا من قدامي من غير مايشتروا حاجة ويرجعوا مع آخر الليل.. واني من الاول ماكنتش مستريحلهم...
وعلى كده راحت الست نونة كاتبة مقال بنار الفرن طلع تاني يوم في الصفحة الاولى ومما جاء فيه بعد الرغي الكتير والصور المتفبركة والاعلانات الجانبية النص كم...
انا طبعا كنت ساعة الانفجار في الحمام باخد شور.. بس من صوت الانفجار اقدر اقولك انها قنبلة ماتنزلش عن اتنين كيلو!
اما ام وديع الخياطة واللي كانت في البلكونة ساعة الحادثة فقالت..
شوفي يا هانم احنا طول عمرنا في الحتة لا عمرنا دوسنا لحد على طرف ولا حد سمع عننا حاجة وحشة... منهم لله اللي كانوا السبب.. من يوم ما الاستاذ صبحي صاحب العمارة سمع كلام الدلوعة المايصة مراته وبدأ يأجر الشقق الفاضية مفروشة وبقينا كل يوم نشوف ناس أشكال ألوان في الحتة واهي باظت خالص...
وطبعا الست نونة شغالة على ودنه وهات يا كتابة وهات يا تسجيل... وسألت واحد كان قاعد على الرصيف اللي طار وبيندب حظه... اصله كان بيحط الفرش عليه... وراح عاقد ميه وهداشر بين حواجبه وقالها...
اني حجيب ولاد الابلسه دول من سابع ارض واقطم رقبيهم... اني كل اللي اعرفه انهم خمس رجالة شباب بلحى كده جوم المنطقة من حوالي شهر... ينزلوا كل يوم الصبح يركبوا عربية ويعدوا من قدامي من غير مايشتروا حاجة ويرجعوا مع آخر الليل.. واني من الاول ماكنتش مستريحلهم...
وعلى كده راحت الست نونة كاتبة مقال بنار الفرن طلع تاني يوم في الصفحة الاولى ومما جاء فيه بعد الرغي الكتير والصور المتفبركة والاعلانات الجانبية النص كم...
"... هذا وقد صرح مصدر مسؤول بأن حادث انفجار "القنبلة" في هذا الحي الهادئ كان وراءه خلية ارهابية هدفها ترويع المدنيين في بلد الشرفاء!"
المحافظ شاف الكلام ده كان حيغمن عليه من الخضة... طبعا ماهو الراجل نايم على ودانه فلازما يجيله الضغط... وراح مكلم مدير مكتبه
ايوه يا ابني اطلبلي مدير امن المنطقة حالا... ايه الكلام اللي منشور في الجورنال ده يا باشا... انتم كنتم فين ساعة الحادثة... هو ده اسمه كلام يعني ايه عيال بتلعب اهاليهم كانوا فين ساعة الحادثة ده كلام برضه... خليك معايا على الخط يا ابني معايا مكالمة تانية... ايه يا ابني مش شايفني بكلم مدير امن المنطقة...
يا باشا السفير الامريكي معاك على خط تلاتة سعادتك
بتقول مين طيب طيب... خط تلاتة... ايوه... اهلا سعادتك جودمورنينج عليك سعادتك... ايوه سعادتك لا طبعا متابعين الموضوع عن كثب وهنعمل المستحيل علشان الموضوع ده ينتهي بأسرع وقت... طبعا سعادتك احنا هنمسك المجرمين دول ونقدمهم للعدالة...
سعادة المحافظ بقى في نص هدومه وعرقه بيشرشر ومش عارف يقول ايه... يعني ينفع يقول للسفير الامريكي انه الحادثة كانت لعب عيال ولا في قنبلة ولا يحزنون شكلنا يبقى ايه قدام الاجانب!
في مكتب المحافظ التلفون مابطلش رن والصحافة نشرت اخر تطورات القضية ونزل الخبر في نشرة تمانية وبقيت قضية رأي عام...
والـ CIA تبرعوا يودولنا خبراءهم علشان يساعدوا ضباط الداخلية في التحقيق للقبض على الخونة!
والموضوع خدله شهرين عقبال ماهديت الامور وعرف المحافظ ومدير امن المنطقة يلملموا الحكاية ويقفلوا القضية بعد هروب "فلول" الخلية الارهابية بلا رجعة...
طبعا عاوزين تعرفوا شلة العفاريت حصلهم ايه...
رامي تحول تقريبا لبسطرمة واتنقل لاقرب مستشفى ولسه راقد في العناية المركزة لحد دلوقت...
وسعيد اتعور ونقلوه القسم غرقان في دمه وتحفظوا عليه وغالبا دخلوا الاصلاحية...
اما علاء... فبعد عينه ما طارت اختفى تماما بشكل غامض واهله لسه بيدوروا عليه على امل يلاقوه في يوم من الايام...
