"جيت على بالي من يومين لما شفتك في المنام وادايقت قوي لاني صحيت وماقدرتش افتكر انت كنت عاوز ايه... انا عارف انك لسه زعلان مني تسع سنين ماشفتكش ولا سمعت منك كلمة... فاكر زمان...
فاكر لما قعدت في حجرك وعملتها عليك وبعد ما امي غيرتلي خدتني في حضنك وهمست في ودني خليك راجل وامسك نفسك شويه... فاكر يوم مافتحتلك مناحة على الصبح وقولتلك مش هروح المدرسة من غير امي... دخلتني اوضتك ولبستني ساعتك وقولتلي انت خلاص بقيت راجل يعني تروح المدرسة وتعتمد على نفسك... فاكر يوم ما اديتني بريزة بحالها علشان جبت الدرجة النهائية في الامتحان وروحت البيت يومها واخد علقة محترمة من العيال وضيعت البريزة.. وانت لما عرفت حبستني في اوضتي ونمت من غير عشا.. ولما سألتك بعدها قولتلي انا عملت كده علشان الراجل لازم يدافع عن حقه ولو على دمه...
فاكر لما زورنا جدتي في البلد وانا استجدعت وطلبت منك نجمع البيض من عشة الفراخ وطلعلنا الديك ابو مخلب ووقعنا كل البيض اللي لميناه واحنا بنهرب منه وجدتي شكيتنا لشيخ البلد...
فاكر يوم ما قفشتني بعاكس جارتنا حسنات خدتني على جنب وقولتلي دي عظمة كبيرة بص للي في سنك وقفشتك تاني يوم وانت بتبصلها.. ابتسمت وقولت امك دي ست الستات...
وفاكر لما قولتلك عاوز العب كورة... زعلت مني وقولتلي انه الراجل مابيضيعش وقته في اللعب... فاكر لما نجحت وماجبتش المجموع اللي يدخلني الكلية اللي انت عاوزها سيبتني اختار لنفسي وكنت مبسوط مني علشان انا بقيت راجل...
فاكر لما زوغنا من ورا امي ونزلنا اسكندرية لوحدنا وبيتنا على الكورنيش ليلتها نتعشى درة وسوداني ونعد نجوم السما بعد ما ضاعت منك المحفظة...
فاكر لما تخرجت وطلبت منك اشتغل في الوكالة معاك قولتلي انت راجل ولازم تعتمد على نفسك وتبني مستقبلك بنفسك... وفاكر لما عزمتك على اكلة كشري من اول مرتب وفضلت احط في الشطة واقولك ده اكل رجالة لحد مانقلونا المستشفى وعملولنا غسيل معده ووقفنا قدام امي زي التلامذة وهي بتقطمنا ولما خلصت ضحكنا من قلبنا على عملتنا...
وفاكر لما قولتلك عاوز العب كورة... زعلت مني وقولتلي انه الراجل مابيضيعش وقته في اللعب... فاكر لما نجحت وماجبتش المجموع اللي يدخلني الكلية اللي انت عاوزها سيبتني اختار لنفسي وكنت مبسوط مني علشان انا بقيت راجل...
فاكر لما زوغنا من ورا امي ونزلنا اسكندرية لوحدنا وبيتنا على الكورنيش ليلتها نتعشى درة وسوداني ونعد نجوم السما بعد ما ضاعت منك المحفظة...
فاكر لما تخرجت وطلبت منك اشتغل في الوكالة معاك قولتلي انت راجل ولازم تعتمد على نفسك وتبني مستقبلك بنفسك... وفاكر لما عزمتك على اكلة كشري من اول مرتب وفضلت احط في الشطة واقولك ده اكل رجالة لحد مانقلونا المستشفى وعملولنا غسيل معده ووقفنا قدام امي زي التلامذة وهي بتقطمنا ولما خلصت ضحكنا من قلبنا على عملتنا...
فاكر يوم ماطلبت منك تخطبلي البنت اللي قلبي حبها.. زعلت مني وخاصمتني وشتمتني علشان انا اخترت بنت غريمك في السوق... بس انا ماكنتش اعرف...
فاكر لما قررت اهاجر وبدأت احضر اوراقي.. فاكر يوم السفر انت بييت في الوكالة علشان ماتودعنيش...
انا سافرت وبقيت راجل زي ما انت عاوز... اشتغلت واتمرمطت وبقيت راجل... اتجوزت وخلفت وبقيت راجل... وقررت ماعملش زيك واعلم ابني واربيه بطريقتي انا وباسلوبي انا.. ما انا معذور برضه وكنت واخد على خاطري منك... ولما امي كلمتني وقالت انك في المستشفى جريت عليك... سيبت كل حاجة وجيتلك... بصيتلك وترجيتك تسامحني... فاكر... انت دورت وجهك الناحية التانية وسلمت الامانة لصاحبها ..وماخدتنيش في حضنك... انت لسه زعلان مني... انا آسف.. لكن انت وحشتني والله..."
فاكر لما قررت اهاجر وبدأت احضر اوراقي.. فاكر يوم السفر انت بييت في الوكالة علشان ماتودعنيش...
انا سافرت وبقيت راجل زي ما انت عاوز... اشتغلت واتمرمطت وبقيت راجل... اتجوزت وخلفت وبقيت راجل... وقررت ماعملش زيك واعلم ابني واربيه بطريقتي انا وباسلوبي انا.. ما انا معذور برضه وكنت واخد على خاطري منك... ولما امي كلمتني وقالت انك في المستشفى جريت عليك... سيبت كل حاجة وجيتلك... بصيتلك وترجيتك تسامحني... فاكر... انت دورت وجهك الناحية التانية وسلمت الامانة لصاحبها ..وماخدتنيش في حضنك... انت لسه زعلان مني... انا آسف.. لكن انت وحشتني والله..."
