ازايكم يا ولاد عاملين ايه اتمنى تكونوا طيبين وكويسين ومش متقمعين زي حالاتي، ومتقمعين دي للي لسه لأول مرة يسمع المصطلح ده يعني حاجة كدة زي طارت دماغه وفلوسه في ضربة واحدة بس بمزاجه..
آه، انا عملتها بمزاجي فعلا قال ايه عايز اساير العصر، كانت فكرة مهببه ووقعتك يا جمالات حتبقى مهببه زيها بس لما اشوفك.
صحيح ده جايبكم تحوشوا الخناقة وماقولتلكمش حصل ايه، شوفو الحكاية كلهاحصلت .........
بعد ما شطبت الغسيل وما فضلش علي شغل قلت اخش اتوضى علشان الحق الظهر،دخلت الحمام وانا لسه حاقعد بقى فجأة رعشة كده زي الكهربا ام 220 خبطتني في صدري.. اترعبت خالص وسابت ركبي ووقفت مشششدوهة لحظة واقفة زي التلميذ المتذنب جنب الحيط وحاطة نص هدومي جوا فمي وبفكر ايه سبب الكهربا دي. ولسه بحط ايدي على صدري والرجة العنيفة تاني.. بس المرة دي ما اتخضتش قوي اصل انا افتكرت، ده المدعوق المحمول، اصل جارتنا جمالات لما جبتهولي علشان ابقى اكلم الواد عدوي اخوي اللي في الخليج قالتلي وقتها: ده محمول يعني تشيليه فين ماتروحي. مديت ايدي في جيب الجلابية الفوقاني وطلت المحمول كان كل شوية يهز كده ولا العالمة بهيجة بزمناتها وبعد شوية بقى يلعلط كده اشي اصفر واشي احمر يختي بيفتحوا المدعوق ده ازاي. جمالات لما جبتهولي دكه النهار ماقلتش بيتكلم منين. وانا بجاهد وبقول آآآآآآلو وبحط المدعوق على ودني جامد علشان اسمع حاجة سكت ومعدش لا بيهز ولا بيلعلط. قلت انا بقى اصلي الاول وبعد كده اطلع لجمالات تشوفي حل في المشكلة دي... همه شويتين عندها عقبال ماشربنا الشاي كانت مورياني كافة شئ على المحمول وحتى كلمت اخوي بدوي وصوته زي مايكون جنبي في الاوضة التانية. ده انا اتبصت بشكل اصل المدعوق ده مكلفني تلات جمعيات ونص معاش بابي الله يرحمه، واتفضحت في الحته كل لما اقابل حد يسألني عامله ايه اقوله عامله جمعية وحقبضها اخر الشهر، ده حتى عسكري الناصية كل لما يشوفني يقولي ما جاش اخر الشهر ياحجة.. بيدخلوا في كل حاجة مش فاهمه الناس بقت حشرية ليه.. ماعلينا، وما صدقت خلصت الجمعية وقبضتها اديت المبلغ المهول اللي معايا لجمالات جارتنا علشان تجيبلي المحمول واكلم بدوي براحتي وبصراحة علشان اتفشخر بيه قدام البت عطيات اللي في الرايحة والجايه وفي قعدات النسوان تسمعني اني ماعنديش محمول وتشوح في خلقتي بالمحمول اللي معاها... وانا نازله من عند جمالات ندهت عليه البت عطيات رحت مطلع المحمول من جيبي ومشوحه بيه قدامها. ضحكت بمياصة وقالت: ايه ياام تفيدة ده اللي ربنا قدرك عليه، ده المحمول اللي معاكي انقطع من السوق من ايام الحملة الفرنسية... ودارت وشها ومشيت وهيه بتتمايل زي دكر الوز. حطيت ديلي في سناني وطلعت جري لجمالات ولما شافتني على الباب قلتلها:
جمالات حطي اسمي في جمعية البت زوزو وجمعية ام فؤاد واذا كانت جمعية عم بيومي لسه شغالة ضيفيني عليها. ومش مهم اقعد اسد في المبلغ المنيل ده اربع سنين المهم افرس البت عطيات واجيب محمول اخر صياعة!!!
واديلي يجي سنتين كل مااخلص جمعية واجيب محمول اخر حاجة في السوق تاني يوم يكون بقى دقة قديمة... حاجة تغم بصحيح. بس بصراحة ده نزل السوق شوية اجهزة من شوية حاجة عقر بصحيح وعيني حتطلع على البتاع ده اللي اسمه ايه اللي قالت عليه جارتنا جمالات، وانتوا رأيكم ايه يا ولاد اخش جمعية واجيبوه؟
آه، انا عملتها بمزاجي فعلا قال ايه عايز اساير العصر، كانت فكرة مهببه ووقعتك يا جمالات حتبقى مهببه زيها بس لما اشوفك.
صحيح ده جايبكم تحوشوا الخناقة وماقولتلكمش حصل ايه، شوفو الحكاية كلهاحصلت .........
بعد ما شطبت الغسيل وما فضلش علي شغل قلت اخش اتوضى علشان الحق الظهر،دخلت الحمام وانا لسه حاقعد بقى فجأة رعشة كده زي الكهربا ام 220 خبطتني في صدري.. اترعبت خالص وسابت ركبي ووقفت مشششدوهة لحظة واقفة زي التلميذ المتذنب جنب الحيط وحاطة نص هدومي جوا فمي وبفكر ايه سبب الكهربا دي. ولسه بحط ايدي على صدري والرجة العنيفة تاني.. بس المرة دي ما اتخضتش قوي اصل انا افتكرت، ده المدعوق المحمول، اصل جارتنا جمالات لما جبتهولي علشان ابقى اكلم الواد عدوي اخوي اللي في الخليج قالتلي وقتها: ده محمول يعني تشيليه فين ماتروحي. مديت ايدي في جيب الجلابية الفوقاني وطلت المحمول كان كل شوية يهز كده ولا العالمة بهيجة بزمناتها وبعد شوية بقى يلعلط كده اشي اصفر واشي احمر يختي بيفتحوا المدعوق ده ازاي. جمالات لما جبتهولي دكه النهار ماقلتش بيتكلم منين. وانا بجاهد وبقول آآآآآآلو وبحط المدعوق على ودني جامد علشان اسمع حاجة سكت ومعدش لا بيهز ولا بيلعلط. قلت انا بقى اصلي الاول وبعد كده اطلع لجمالات تشوفي حل في المشكلة دي... همه شويتين عندها عقبال ماشربنا الشاي كانت مورياني كافة شئ على المحمول وحتى كلمت اخوي بدوي وصوته زي مايكون جنبي في الاوضة التانية. ده انا اتبصت بشكل اصل المدعوق ده مكلفني تلات جمعيات ونص معاش بابي الله يرحمه، واتفضحت في الحته كل لما اقابل حد يسألني عامله ايه اقوله عامله جمعية وحقبضها اخر الشهر، ده حتى عسكري الناصية كل لما يشوفني يقولي ما جاش اخر الشهر ياحجة.. بيدخلوا في كل حاجة مش فاهمه الناس بقت حشرية ليه.. ماعلينا، وما صدقت خلصت الجمعية وقبضتها اديت المبلغ المهول اللي معايا لجمالات جارتنا علشان تجيبلي المحمول واكلم بدوي براحتي وبصراحة علشان اتفشخر بيه قدام البت عطيات اللي في الرايحة والجايه وفي قعدات النسوان تسمعني اني ماعنديش محمول وتشوح في خلقتي بالمحمول اللي معاها... وانا نازله من عند جمالات ندهت عليه البت عطيات رحت مطلع المحمول من جيبي ومشوحه بيه قدامها. ضحكت بمياصة وقالت: ايه ياام تفيدة ده اللي ربنا قدرك عليه، ده المحمول اللي معاكي انقطع من السوق من ايام الحملة الفرنسية... ودارت وشها ومشيت وهيه بتتمايل زي دكر الوز. حطيت ديلي في سناني وطلعت جري لجمالات ولما شافتني على الباب قلتلها:
جمالات حطي اسمي في جمعية البت زوزو وجمعية ام فؤاد واذا كانت جمعية عم بيومي لسه شغالة ضيفيني عليها. ومش مهم اقعد اسد في المبلغ المنيل ده اربع سنين المهم افرس البت عطيات واجيب محمول اخر صياعة!!!
واديلي يجي سنتين كل مااخلص جمعية واجيب محمول اخر حاجة في السوق تاني يوم يكون بقى دقة قديمة... حاجة تغم بصحيح. بس بصراحة ده نزل السوق شوية اجهزة من شوية حاجة عقر بصحيح وعيني حتطلع على البتاع ده اللي اسمه ايه اللي قالت عليه جارتنا جمالات، وانتوا رأيكم ايه يا ولاد اخش جمعية واجيبوه؟
